Tiny kijkt naar Wevelgem. Wablief? Bevergem!

beverMijn moeder heeft een hoorapparaat. Dat werkt prima, alleen als ik haar bel vanuit de auto, verstaat ze mij niet zo goed. Dat ligt niet aan haar, maar aan mijn handsfree-systeem natuurlijk. Soms levert dat grappige situaties op.

Sorry, geen ondertitels.

“Dag ma, ’t is ikke!”

“Ah da’s goed daj gie belt, kiend, oewist?”

“Hoed wi, en me junder?”

“Hoed kiend, hoed. Zeg, ej gie gistern ook gekeken no Wevelgem?” (Ze zei echt Wevelgem, aan mijn oren is niks mis!)

“No Wevelgem? Oe bedoel je?”

“Awel, die nieuwe serie ip tillevisie? Wevelgem!”

“Nein ma, da noemt nie Wevelgem, da’s Bevergem daj bedoelt!”

“Zwevegem?”

“Nein ma, BE-VER-GEM.”

“Moh, aaah, noemt da Zedelgem misschiens?”

(mijn pa op de achtergrond: “Ze zegt Bevergem, moeder, Bevergem.”

“Aaaah, Bevergem. Mo how zeg. Awel, me voenden d’er nie veel an wi. Achter tien minuten emme’t uutgedoan. Voen je gie da nu schoane? En worrom babbelen ze ziender zo stille? Da’s met die oendertitels hé, azze oendertitels zetten, babbelen ze vele stilder. Gow zeg, da zoet toch nie meugen hé? ’t Zien toch vele oede menschen dan doar no toe kieken? Verstoen je gie da?”

“Jaak ma, ik verstoen da wi. Mo ze babbelden nie ollemolle Brugsch hé, ’t zit ook e bitje Kortrieks en Roeseloars tussen en azo. ’t Is misschien doarmee daj ’t nie goed verstoent.”

“Ninnint. Ze babbelen veel te stille. Och ja, m’en toen nog mor e bitje no de radio geluusterd.”

Enzovoort.

Enfin, wij waren eigenlijk ook niet zo super enthousiast over de nieuwe serie. En jullie? Wij vonden het een beetje saai. Maar ik wil het nog wel een kans geven. Noaste ki.

Advertenties

32 comments

  1. Wij vonden het wel knap gemaakt en denken dat het los moet lopen… Acteurs zijn in ieder geval schitterend 🙂 maar… ieder zijn mening, wereld zou anders maar saai zijn
    🙂
    Is dat Westvlaams wel allemaal juist geschreven? 🙂

    Like

    1. Ewek, ‘k hont u ki zeggn 🙂 ! ’t Zien ollemolle mo klintjes wi, mo zuuste is zuuste zei mien pépé oltied, en ton trok tie z’n neuze up.

      ‘Ah da’s goed daj gie belt’ – moe zien: ‘da’s hoed daj hie belt’
      ‘t Zien toch vele oede menschen dan doar no toe kieken – da moste ‘kiekken’ zien, want u kieken draaht pluumen en legt ijers
      Mo me hon ier nie vitten, want Tienne doet da hoed – z’is ol toope ’n hoeje ambassadeur van ’t Brugs. Mo, Martine, wukke taale spreken hiender in junder streeke? Russisch of zuk een twadde?? In olle heval, wiender en speciaal vo junder ’n stroate genoemd no junder gemeente. D’ Oohstroate in Brugge. Nie de schoanste stroate van onze stad, mo je zit in ’n wup up de mart van Bruhhe. ‘k Gon meèr zehhn: ajje in d’Oohstroate enen lat vliehen, ka ‘j em rieken up de mart 🙂 !

      Liked by 4 people

      1. Mijn vader is van de Antwerpse Kempen. Ik zei vroeger: “Mijn papa spreekt Frans” omdat ik dat precies een volledig andere taal vond.

        Like

      2. Grappig 🙂 het mooiste dialect blijf ik Gents vinden, alhoewel ik daar niks mee te maken heb… Buiten een student op kot en een tante en nonkel die ik al 31 jaar niet meer gezien heb 🙂

        Like

  2. Je moedre é geliek: Beverhem is e schete in nen netzak. Ik kiekken ni mè. ’t West-vlams alleene goat da verhoaltje ni rechthoed’n, peis’k.

    Like

  3. ik moe nog kijk’n, moar ‘k ondervinde nui al dan’t miestal Westvloaming’n zijn die ’t goe vind’n… 😉

    (Waregems dialect verschilt heel duidelijk van de rest van West-Vlaanderen)

    Like

      1. Van da Waregems! Er zijn zoveel verschillen in ’t West-Vlaams, ongelofelijk. Mijn lief uit Heule (want ik mag niet zeggen uit Kortrijk) en ik uit Brugge hebben soms totaal andere woorden voor hetzelfde…

        Like

  4. Ik vind Bevergem echt een topserie. Zit goed ineen. En grappig.
    Kzin van Zwevegem. Klappe e bitje e combinatie van Zwevegems en Kortrijks.
    Blijf het vreemd vinden dat West-Vlamingen alle dialecten verstaan.
    Geen moeite met andere dialecten.
    I really hate Gents. Gruwel.

    Is wel juist. Zelfs in Zwevegem zelf zijn er verschillende dialecten, het is te zeggen in de deelgemeenten.

    Wevelgem ken ik goed 😉

    Like

  5. ik heb der ook van genoten. En dankzij de West-Vlaamse schoonfamilie en bijhorende 5 jaar taalbad, had ik geen ondertitels nodig, ook niet bij deze blogpost of de commentaar erop *preus* 🙂

    Like

  6. Ik heb nog maar een klein stukje gezien (omdat ik het vergat op te nemen) en vond het vooral heerlijk om naar te luisteren maar begreep er niet veel van (omdat ik al het grootste stuk van de aflevering gemist had, duhuh) en vond het vooral raar maar bon, we geven ’t nog een kans zoals je zegt, er staan nog wat afleveringen op de Digibox klaar!
    Superleuk die conversatie met uw moeder 🙂

    Liked by 1 persoon

  7. Kè mie ol gesmeetn!

    Ik vind het echt een hilarisch serie, gewoon zo droog en absurd. Mijn man, die Oost-Vlaming is, vindt er niet zoveel aan, dus misschien hebben West-Vlamingen hier toch een streepje voor omdat wij alles verstaan?

    Like

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s